Pages

Monday, September 20, 2021

ලංකාවේ දැනුම බෙදන්නෝ හා දැනුම ලබන්නෝ


 අපි අද දැනුම් ආර්ථිකයක් ගැන කතා කරමු. දැනුමින් පිරිපුන් සමාජයක් බිහිකිරීමට අප සැම එක්විය යුතු යැයි අද ප්‍රවණතාවයක් ද පවති. ඇයි අපි ඉගෙන ගන්නේ? දැනුම යනු කුමක් ද? දැනුමෙන් පරිපූර්ණ විය හැකි ද?

දැනුම යනු සාපේක්ෂ දෙයකි. එය තව කෙනෙක් විසින් තව දෙයක් විසින් හෝ ස්වාභාවික හේතුවක් නිසා නිපදවන හෝ නිපදවනු ලබන දෙයකි. ස්වභාවික සංසිද්ධීන් පිළිබද කරුණු කාරණා දැන ගැනීම දැනුම වැඩි කරන්නෙකි. කෙනෙක් විසින් නිෂ්පාදනය කරන ලද මතයක් හෝ භෞතික වස්තුවක් පිළිබද දැන ගැනීම දැනුම ලබා ගැනීමකි. ශ්‍රී ලංකාවේ පාසැල් අධ්‍යාපන ක්‍රමය තුල ඇත්තේ දැනුම වඩාගැනීමයි.

පාසලේ සාමාන්‍ය පෙළට උගත් දෑ උසස් පෙළින් පසුව අපි හැමෝටම වාගේ අමතක වී යන්නෙමු. සාමාන්‍ය පෙළෙට සිංහල භාශාවේ වාක්‍ය රීති ඇතුළු ව්‍යාකරණ ඉගෙනගත්තත් වාණිජ හෝ විද්‍යා වැනි විෂය ධාරාවන් හදාරන සිසුන්ට ඒවා ඒ කාලයේදීම අමතකය. සමහර අයට ඒවා උසස් පෙළින් පසුව අමක වී යති. එසේ වන්නේ පාසැල්වල පවතින උග්‍ර එහෙත් අපි නොදකින දැක්කත් නොදැක්කා සේ ඉන්න ශාස්ත්‍රීය අර්බුධය හේතු කොට ගෙනය. අධ්‍යාපනය ලැබීම හා දැනුම ලැබීම අතර මහා ලොකු වෙනසක් නැත. අධ්‍යාපනය විධිමත් ආයතන පද්ධියක් තුල පොත්පත් හා ගුරුවරුන් මගින් යම් නීති රීති, රෙගුලාසි හා විෂය නිර්දේශයක් යටතේ ශිෂ්‍යයෙකුගේ වයස් මට්ටම් අනූව වෙනස්වන රටාවකි. දැනුම ලබා ගැනීමට ඊට වඩා පුළුල් දායකත්වයක් ලබා ගත හැකිය.

Monday, September 6, 2021

සංවර්ධිත රටක් වූ ශ්‍රී ලංකාව හා ගොබ්බ ලාංකිකයෝ


ශ්‍රී ලංකාව දකුණු ආසියාවේ කුඩා රාජ්‍යකි. කුඩා වුවත්, අතීතයේ සිට අපේ රට ලෝකයේ නම තැබූ රාජ්‍යයකි. අපේ ඓතිහාසික රජවරු මේ මව් බිම ආර්ථික වශයෙනුත් සමාජීය වශයෙනුත් සමෘද්ධිමත් කළෝ ය. සෑම රජෙක්ම එසේ නොකළත් බහුතරය එසේ ය. එවැනි රාජ්‍යයකට වර්ථමානයේ අත් වී ඇති ඉරණම කුමක්ද යන්න සාමාන්‍යයයෙන් සරලව සිතා තේරුම් ගත හැකි කරුණක් ලෙස මම නොදකිමි. අපේ රටේ ඉතිහාසය ගැනත්, යුරෝපීය අධිරාජ්‍යවාදී පාලන කාලය ගැනත්, මෑත කාලීන දේශපාලන ඉතිහාසය ගැනත්, ලෝක දේශපාලන ඉතිහාසය ගැනත් යම් හෝ අවබෝධයක් ඇත්තෙකුට මේ සිදුවන්නේ කුමක්දැයි නිසි ලෙස වටහා ගැනීමට වැඩි හැකියාවක් ඇතැයි පැවසිය හැකිය.

Monday, August 30, 2021

සිංගප්පූරු ජාතිකයින් මානසික පීඩාවෙන් පෙළෙන්නේ ඇයි?

සිංගප්පූරූව යනු අග්නිදිග ආසියාතික රටකි. මුළු භූමි ප්‍රදේශය වර්ග කි.මී 728.6 කි. ශ්‍රී ලංකාව සිංගප්පූරුව මෙන් 90 ගුණයක් විශාලය. ලක්ෂ 60කට ආසන්න ජන කායක් මේ කුඩා රාජ්‍යෙය් ජීවත් වෙති. දළ ජාතික නිෂ්පාදිතය 2020 වසරේදි ඇමෙරිකන් ඩොලර් බිලියන 379කි. මෙරට එම අගය බිලියන 88කි. ස්වභාවික සම්පත් අවම රාජ්‍යයන් අතරින් ප්‍රදාන තැනක් සිංගප්පූරුවට හිමි වේ. මාළු සම්පත එහි ප්‍රධාන ස්වභාවික සම්පත ලෙස හැදින්වූවාට වරදක් නැත. මේ වෑයම සිංගප්පූරුව හා ලංකාව සසදා සාමාන්‍ය ලිපියක් ලියනාකාරයට සිංගප්පූරුව ගැන ලිවීමට නොවේ. මෙවැනි ආර්ථික වශයෙන් දීප්තිමත්ව බැබලෙන අග්නිදිග ආසියානු ඉතා කුඩා රාජ්‍යක වෙසෙන ජනයා ජීවත් වන්නේ මානසික පීඩාවෙනි. ඒ ඇයි දැයි සොයා බැලූ මට දැන ගන්නට ලැබුණු කරණු මා විසින් මෙසේ පෙළ ගස්වනු ලබන්නෙමි.
 

Tuesday, August 24, 2021

චීනය වූහාන්වල ස්වාධීන පරීක්ෂණයක් සදහා කිසිදු රටකට ඉඩ ලබා නොදෙන්නේ ඇයි?

චීනයේ හුබෙයි පළාතෙන් ව්‍යාප්තිය ඇරඹි කොවිඩ් 19 වසංගතය මේ වන විට වසර දෙකකට ආසන්න කාලයක් පුරා මුළු ලොවම අඩපණ කරමින් සිටි. කොවිඩ්-19 හදුන්වන්නේ SARS-COV-2(severe acute respiratory syndrome coronavirus 2 ) ලෙසයි. මෙහිදි උත්සහා ගන්නේ වෛරසය පිළිබද කාරණා ඉදිරිපත් කිරීම නොවේ. චීනය ඇයි තවමත් වූවාහන්වල වෛරස ව්‍යාප්තිය පිළිබද විවෘත ස්වාධීන පරීක්ෂණයකට අවස්ථාව සලසා නොදෙන්නේ කියායි.

දිගින් දිගටම එක්සත් ජනපදය චීනයට වාග් ප්‍රහාර දියත් කරන්නේ  කොවිඩ් වසංගතය සම්බන්ධයෙනි. එක්සත් ජනපදය ස්වාධීන පරීක්ෂණයකට ඉඩ සලසා දෙන මෙන් ඉල්ලා සිටියත් චීනය එය දැඩිව ප්‍රතික්ෂේප කළේය. ඉදිරයටත් එය එසේම සිදු වේවි. මේ සිද්ධිය ප්‍රවෘතියක් ආකාරයෙන් අසන ඔබට සිතෙන්නේ නිසැකයෙන්ම චීනය හිතා මතාම වසංගතය පතුරුවා හැර ඇති බවත් එය දේශපාලනික උපාය මාර්ගයක් බවත්ය. කෙසේවෙතත් මා මෙහිදි ඉදිරිපත් කරන කරුණු සැලකිල්ලට ගෙන එය ඔබ විසින්ම තීරණය කල යුත්තකි.
 

Tuesday, July 13, 2021

බ්‍රිතාන්‍ය අධිරාජ්‍ය කිරුල සමන්විත වන්නේ මොනවයින්ද? එක්සත් රාජධානිය හා සම්බන්ධ අරුම පුදුම කාරණා (2 කොටස)

මිට කලින් ලියු එක්සත් රාජධානිය ගැන කියැවෙන අපුරු කාරණා 1 කොටස මෙතනින් කියවන්න.

1.රාත්‍රී 9 පසුව තම බිරින්දෑ වරුන්ට පහරදීම 16වන සියවසේදී නීතියෙන් තහනම් කළා.

2.එක්සත් රාජධානියේ මිනිසුන් 'හාදු දිනය' නමින් දිනයක් සෑම අවුරුද්දකම ජුලි 6නිදා සමරනු ලබනවා.මෙය 2000 මුල්  ආරම්භ වූ දිනයක්.එසේම මෙදින සෑම අයෙකුටම නිවාඩු දිනයක්.නිල නොලත් අන්දමින් ජාත්‍යන්තර හාදු දිනයකුත් පසු කාලීනව සමරනවා.


3.  සපත්තු ලේස් ,ෂම්පෙන්ග්,කුඩ ආදිය සොයා ගනු ලැබුවේ එක්සත් රාජධානිය තුලිනි.


4.තමාගේ සුරතලා සමග තමාට රිසි සේ ඇවිදීමට එක්සත් රාජධානිය තුල අවසර නැහැ.එහේත් අත්‍යවශ්‍ය කාරණයක් වෙතොත් විශේෂ සේවා අංශ මගින් අවසර පතක් ලබාගෙන සුරතලා රැගෙන යාමට හැකිය.


6.ස්ථුලභාවය අතින් එක්සත් රාජධානිය සිටින්නේ ප්‍රධාන ස්ථානයකයි.එක්සත් රාජධානියේ සිටින මුළු වැඩිහිටියන්ගෙන් 25%ක්ම තරබාරු අයයි.

7.අතීතයේ සෑම රාජ්‍යකටම පාහේ රජවරුන් සිටියා.ඒ සම රජෙක්ටම ඔටුන්නක් හිමිව තිබුනා.චීන අධිරාජ්යින්ටත් බ්‍රිතාන්‍ය අධිරාජ්‍යන්ටත් ඔටුන්නක් හිමිව තිබුනා.ඔබ දන්නවද බ්‍රිතාන්‍ය අධිරාජ්‍ය ඔටුන්න,දියමන්ති 2868 කින්ද , මැණික් 5 කින්ද, මුතු 273 කින්ද,නිල් මැණික් 17කින්ද හා මරකත 11කින්ද සමන්විත බව.

8.එක්සත් රාජධානිය හා සම්බන්ධ තවත් සිත්ගන්නා සුළු  කාරණය  වන්නේ එක්සත් රාජධානියේ කිසිදු ස්ථානයක් මුහුදු මට්ටමේ සිට සැතපුම් 75ක් ඉක්මවා නොයන බවයි.

9.එලිසබත් රැජිනට විදේශ ගමන් බලපත්‍රයක් නොමැති අතර ඇය රටවල් 110කට වැඩ සංචාරය කර තිබෙනවා.

10.එක්සත් රාජධානියේ ප්‍රධාන හා ප්‍රියතම බිම තේ.එම නිසා වසරකට තේ කෝප්ප මිලියන 160කට අධික ප්‍රමාණයක් පරිභෝජනයක් සිදුවන බව සදහන්.

11.ලෝකයේ ප්‍රථම වතාවට  නළ දරු උපත් සදහා මිනිසුන් තිදෙනෙකුට එක්සත් රාජධානිය අවසර ලබා දුන්නඒ 1978 අවුරුද්දේ.

12.එක්සත් රාජධානිය තුල ඇමෙරික එක්සත් ජනපදය තුල නිෂ්පාදිත බිත්තර තහනම් වෙනවා.එයට හේතුව ලෙස සදහන් වෙන්නේ ඇමෙරිකානු බිත්තර සෝදන නිසා.අනිත් පැත්තට ඇමෙරික එක්සත් ජනපදය තුල එක්සත් රාජධානියේ බිත්තර තහනම් වෙන්නේ ඒවා සොදන්නේ නැති නිසා.

13.බුරුවන්ට,පොනියන්ට හා අශ්වයින්ට විදේශ ගමන් බලපත්‍රයක් තිබීම අත්‍යවශ්‍ය සාධකයක් බව සදහන්.

14.එංගලන්තය හා පෘතුගාලය අතර වර්ෂ 1386 ඇති කරගත් සමගි සන්ධානය ලෝකයේ මෙතෙක් පවතී සමගි සංවිධානවලින් දීර්ඝතම සන්ධානයයි.තවමත් මෙය ක්‍රියාත්මකයි.

15.හිරු නොබසින අධිරාජ්‍ය ලෙස විරුධ්ධාවලිය ලත්  බ්‍රිතාන්‍ය අධිරාජ්‍යය 19වන සියවසේ මුල් භාගය වන විට පෘතුවි භූමියෙන් 20%ක් තම අනසකට කරගෙන තිබුනා.

16.එක්සත් රාජධානියේ ජාතික ආහාරය ලෙස චිකන් ටික්කා සැලෙකෙන අතර ඉන්දියානු රස වට්ටෝරු මුල් කරගෙන එක්සත් රාජධානියේම වෙනස් කුළුබඩු යොදා සකස් කරයි.

17.එක්සත් රාජධානියේ ඉංග්‍රීසි කතා කරන මිනිසුන්ට වඩා වැඩි ප්‍රමාණයක් නයිජීරියාවේ ජිවත් වෙනවා.

18.යුනෙස්කෝ හෙවත් UNESCO(එක්සත් ජාතීන්ගේ අධ්‍යාපනික,විද්‍යාත්මක හා සංස්කෘතික සංවිධානය ) විසින් එක්සත් රාජධානියේ ලෝක උරුම ප්‍රදේශ 31ක් නම් කර තිබෙනවා.

19.එක්සත් රාජධානියේ සිටින එකම විෂගෝර  සර්පයා වන්නේ Adder නම් සර්පයයි.



Saturday, July 10, 2021

අවුරුදු 15ක දැරියන් දූෂණය වන්නේ කෙසේද?

මේ දිනවල ජන මාධ්‍ය හරහාත් සමාජ මාධ්‍ය හරහාත් වයස අවුරුදු පහළවක (15) දැරියක්  අන්තර්ජාලය ඔස්සේ ගණිකා සේවයේ යෙදවීමේ පුවතක් සම්බන්ධ තොරතුරු අසන්නට ලැබේ. මෙහි පුදුම එළවන සුලු කරුණ වන්නේ එය නොවේ. එම දැරිය එම ගණිකා වෘත්තියේ යෙදවීමේ චෝදනාවට ඇගේ මවත් අත් අඩංගුවට ගැනීමයි. කෙසේ හෝ වේවා, ශ්‍රී ලංකාවේ ළමා අපයෝජන හා ස්ත්‍රී දූෂණ වාර්ථාවන පළමු සිද්ධිය ද මෙය නොවේ. අවසාන සිද්ධියද මෙය නොවේ. මේ පිළිබදව විමර්ෂනාත්මක විග්‍රහයක් ඉදිරිපත් කිරීම සමාජ සුබසිද්ධිය උදෙසා වැදගත් බව පෙනී ගිය හෙයින් මෙම ලිපිය සකස් කිරීමට සිතුවෙමි. 


 

Thursday, May 21, 2020

ලෝකයේ අඩුම කාලයකින් අවසන් වූ යුද්ධය ගැන ඔබ දැනුවත්ද? එක්සත් රාජධානිය හා සම්බන්ධ අරුම පුදුම කාරණා (1 කොටස)

මේ ලිපිය මගේ ඉංග්‍රීසි බ්ලොග් අඩවියේ මා විසින්ම  පල කරනු ලැබූ  ලිපියක සිංහල පරිවර්තනයයි.


1.එක්සත් රාජධානිය සමන්විත වන්නේ එංගලන්තය,ස්කොට්ලන්තය,වේල්ස් හා උතුරු අයර්ලන්තය යන රටවල් වලින්.

2.කලක් ශ්‍රේෂ්ට  බ්‍රිතාන්‍ය ලෙස හැදින්වුයේ එංගලන්තය, ස්කොට්ලන්තය හා වේල්ස් කියන රටවල් වල එකතුවට.බ්‍රිතාන්‍ය ලෙස හදුන්වන්නේ වේල්ස් හා එංගලන්තයටයි.